Rajoni

Gjendja e jashtëzakonshme në Serbi përfundon më 7 maj


Bëhu pjesë e Grupit Zyrtar të Opinion.al
>> KËTU <<
               Publikuar në : 09:00 - 04/05/20 |
Opi Nion

Situata e krijuar nga koronavirusi po shkon drejtë përmirësimit dhe në Serbi. Për shkak se numri i viktimave nuk është jashtë parashikimeve të qeverisë serbe, Presidenti Aleksandar Vuçiç ka deklaruar se pret që gjendja e jashtëzakonshme në Serbi të hiqet më 7 maj.

Ai i tha TV Pink se së bashku me kryeministren serbe, Ana Bërnabiç do të marrin një vlerësim për këtë çështje nga ministria e Mbrojtjes, pasi ashtu e kërkojnë procedurat.

“Pastaj vjen vendimi i Qeverisë së Serbisë, dhe me nënshkrimin tim dhe kryeministres Bërnabiq, ne e dërgojmë çështjen në Kuvend”, tha Vuçiç.

Ai tha se dy kushtet për heqjen e gjendjes së jashtëzakonshme janë përmbushur.

“Njëri kusht është ulja nën pesë për qind e personave pozitiv me COVID-19 për shtatë ditë rresht dhe tjetri – dukshëm më pak njerëz në respirator”, tha Vuçiç.

Serbia e kishte vendosur gjendjen e jashtëzakonshme më 16 mars. Epidemiologu, Predrag Kon, tha se pasi të hiqet gjendja e jashtëzakonshme, do të ishte përgjegjësia e njerëzve që të parandalojnë përhapjen e koronavirusit.

Në Serbi gjatë 24 orëve të fundit, katër persona kanë humbur jetën si pasojë e koronavirusit të ri, duke rritur numrin e përgjithshëm të viktimave në 193, njoftoi Shtabi i Krizës i formuar nga qeveria serbe.

Autoritetet shëndetësore kanë testuar 5,274 individë, 102 prej të cilëve kanë dalë pozitiv në COVID-19. Sipas zyrtarëve, shkalla e vdekshmërisë është 2.04 për qind. Në Serbi deri më tani janë regjistruar 9,464 raste me COVID-19.

Pas