Trupi i pajetë i një personi që besohet rreth moshës 25 vjecc është gjetur sot në fshatin Mesaplik të Vlorës. Banorët kanë lajmëruar policinë e cila ka mbërritur në vendin e ngjarjes. Viktima ende nuk është identifikuar.
Të kontaktuar nga Tv Klan, policia e Vlorës thotë se bëhet fjalë për një person të ri, por që ende nuk është identifikuar.
Nga hetimet e para mësohet gjithashtu se ai është qëlluar me plumb në kokë, megjithatë është autopsia ajo që do zbulojë shkakun e vdekjes.
I riu i vrarë nuk është banor i zonës. Paraprakisht bëhet fjalë se ekzekutimi ka ndodhur për prishje të pazareve të drogës.
