Një trup i pajetë është gjetur mesditën e sotme në lumin e Drinit, në afërsi të urës së Bahçallëkut.
Sipas njoftimit të policisë, trupi i pajetë, ende i paidentifikuar, i përket një mashkulli rreth moshës 40-vjeçare.
Nga këqyrja paraprake e trupit nuk janë konstatuar shenja dhune.
Ndërkohë grupi hetimor nën drejtimin e Prokurorisë vijon punën për identifikimin e 40-vjeçarit si dhe për sqarimin e rrethanave të rastit.
Njoftimi i policisë:
Në lumin Drin, në afërsi te urës së Bahçallëkut, është gjetur trupi i pajetë i një shtetasi rreth 40 vjeç, ende i paidentifikuar, i gjatë rreth 175 cm, i veshur me triko pambuku me mëngë të gjata ngjyrë gri, pantallona të gjata ngjyrë kafe, atlete të zeza Adidas, me flokë të shkurtër dhe pa mjekër. Nga këqyrja paraprake e trupit nuk janë konstatuar shenja dhune.
