Policia në Malajzi thotë se po heton vdekjen e një gruaje, trupi i dekompozuar i së cilës u zbulua në një çantë udhëtimi në një stacion autobusi të braktisur.
Një kalimtar i çastit ka gjetur çantën pranë një ndërtese që i përkiste kompanisë shtetërore të energjisë elektrike Tenaga Nasional Berhad në fillim të kësaj jave në Kulai, një lagje në shtetin jugor të Johor, njoftoi agjencia shtetërore e lajmeve Bernama.
Shefi i policisë së qarkut, Tok Beng Yeoë tha se trupi i të vdekurës ishte në një gjendje shumë të dekompozuar, sipas tij më shumë se 50 për qind, gjë që kishte penguar përpjekjet fillestare të identifikimit.
Megjithatë, një raport paraprak pas vdekjes nga Spitali Sultanah Aminah sugjeroi se trupi i përkiste një gruaje mbi 25 vjeç, e cila kishte pësuar një dëmtim në kokë dhe mund të kishte vdekur rreth dy javë më parë, por është ende e paidentifikuar.
Shefi i policisë së qarkut tha se një hetim po vazhdon ndërsa ai u bëri thirrje banorëve vendas që të japin informacion./Opinion.al
