Trupi i shqiptarit 36-vjeçar, Laert Beqajt, i cili rezultonte i zhdukur prej 17 muajsh është gjetur tre ditë më parë në një zonë shkëmbore Andro.
Është gjetur i pajetë trupi i shqiptarit Leart Beqaj i cili rezultonte i zhdukur prej 17 muajsh në Greqi.
Mediat fqinje raportojnë se trupi i 36-vjeçarit është gjetur tre ditë më parë në një zonë shkëmbore në Andro dhe u identifikua në një laborator.
Laert Beqaj u pa për herë të fundit natën e 8 prillit 2019, kur ai shkoi në një servis për të riparuar motorin e tij, me mekanikun, që ishte edhe shok i tij. Por servisin e kishin gjetur të mbyllur dhe më pas ishin larguar duke ecur bashkë dhe më pas u ndanë.
Skenarët për zhdukjen e tij në mesnatën e 8 prillit 2019 ishin të shumtë, por ende nuk janë konfirmuar.
Sipas hetimeve një ditë para hapjes së lajmit për zhdukjen e tij, një burrë, i cili ishte në bordin e një anijeje rrugës nga Rafina për në Mykonos, ra në det.
Por sikurse përmendet në raport deri më sot, askush nuk i kishte kërkuar gjurmët e personit që u hodh në det, pasi ky njeri ishte me identitet të panjohur.
Kamera e sigurisë së anijes e kishin regjistruar njeriun që ra në det dhe pas vëzhgimit të tyre dhe pasi u panë rrobat e tij dhe nga dëshmitë e udhëtarëve, rezultoi se ky njeri ishte Laerti./ Opinion.al
