Jo larg magazinës së parë në Fushë-Krujë është gjendur një tjetër magazinë e madhe me drogë në qytetin e Mamurrasit. Rreth 700 kg kanabis e futur në 15 thasë është gjetur këtë magazinë që më parë ka qenë ndërmarrja e grumbullimit.
Sipas burimeve nga Policia e Kurbinit janë ndaluar 5 persona, ndër ta edhe pronari i lëndës narkotike, emri i të cilit nuk është bërë i ditur.
Të arrestuarit janë dërguar në Drejtorinë e Policisë në Lezhë e prej andej tek Krimet e Rënda në Tiranë. Kontrollet vijojnë në banesat e elementëve të dyshuar për veprimtari të tilla antiligjore.
