Flamur Noka është bërë i pari për raportimin e lajmeve të drogës. Ndërsa lajmëroi një muaj më parë avionin që ra në Ishëm, sot raporton se janë gjetur 3 ton drogë në Rrëshen, për të cilën policia ende nuk ka informacion.
“Pazaret e drogës tashmë kanë kaluar nga konflikte mes bandash në përplasje brenda vetë Policisë. Në këto momente tek magazinat e ish pularisë në qytetin e Rrëshenit zbulohen sasi të frikshme droge. Burime nga vendngjarja bëjnë me dije se janë rreth 3 ton drogë. Banesa është rrethuar nga një grup i policisë të krimit organizuar të Drejtorisë Lezhë. Policia e Rreshenit nuk pranon të ndërhyjë dhe i ka braktisur, ndërkohë dhe uniformat blu të drejtorisë Lezhë nuk po guxojnë të ndërhyjnë. Pritet të shkojë RENEA”, deklaron Flamur Noka.
