Policia ka gjetur një makinë të djegur gjatë natës në Fushë Krujë.
Dyshimet janë të forta se mjeti mund të jetë përdorur për të kryer një vrasje dhe më pas është djegur për të humbur gjurmët.
Vrasja e fundit pa autor që ka ndodhur ka qenë e natës së mbrëmshme në Kinostudio, Tiranë.
Viktima ishte Mario Majollari, një 28-vjeçar që sapo ishte kthyer nga Suedia ku i kishin refuzuar azilin.
Majollari kishte kërkuar azil sepse kërcënohej me vrasje pasi i ati ka kryer vrasje me paramendim dhe është i dënuar me burgim të përjetshëm.
