Një kufomë është gjetur në breg të detit mëngjesin e sotëm në Porto-nova, në Zvërnec. Trupi i pajetë u gjet i mbuluar nga rëra, dhe në gjendje të dekompozuar.
Banorë të zonës njoftuan policinë se kishin gjetur anës detit një kufomë të seksit mashkull.
Menjëherë në vendngjarje ka mbërritur gripi hetimor, dhe ka nisur hetimet për ngjarjen, si dhe për identifikimin e viktimës.
Trupi i pajetë është dërguar në morgun e spitalit të Vlorës, dhe po verifikohet për shenja në trup për të gjetur shkaqet e vdekjes.
