Një pushues në plazhin e madh të Durrësit është gjendur i mbytur në det, mëngjesin e ditës së sotme rreth orës 08:45.
Viktima u identifikua nga familjarët dhe ai është një shtetas maqedonas, rreth 65 vjeç, banues në Shkup. Ai kishte ardhur për pushimet verore në Durrës, por për shkaqe ende të paqarta ka gjetur vdekjen në det.
Burime nga policia vendore bënë të ditur se po punohet për zbardhjen e plotë të ngjarjes.
Javën e shkuar, një turist rus humbi jetën pasi u godit nga një skaf në plazhin e Himarës, ndërsa dy ditë më parë një turiste norvegjeze u gjet e vdekur në dhomën e hotelit të qytetit të Sarandës.
