Një automjet “Mercedes Benz CLS” që dyshohet se u përdor për realizimin e vrasjes së Arben Bilalit duket se është aktualisht e vetmja provë për krimin ndaj ish-policit. Kështu bën me dije BW, që njofton se vetëm pak orë pas ngjarjes, më 30 janar në periferi të Tiranës në zonën e quajtur Mjull-Bathore është gjetur mjeti që mendohet se u përdor nga autorët ë momentin e krimit.
Sikurse është bërë e njohur tashmë, Arben Bilali u qëllua pranë banesës së tij nga persona ende të paidentifikuar. Edhe pse disa kamera sigurie kanë arritur ta fiskojnë momentin e krimit, portretet e autorëve janë të paidentifikueshëm edhe për faktin, që ata nuk kanë zbritur nga makina në momentin që kanë qëlluar.
E gjithë kjo skemë, në një krim që nuk ka lënë shumë gjurmë pas, ka bërë të mendohet që bëhet fjala për vrasës profesionistë me pagesë.
Kujtojmë se Arben Bilali, ishte i treti që vritej brenda familjes, pasi më parë atij i ishin vrarë edhe dy vëllezër. / M.B
