Një drejtues rajonal i shërbimeve të inteligjencës SBU të Ukrainës është gjetur i vdekur në shtëpinë e tij në Ukrainën qendrore, tha të dielën zyra e prokurorit të përgjithshëm.
Oleksandr Nakonechny u gjet nga gruaja e tij me plagë me armë zjarri në një dhomë të banesës së tyre në qytetin Kropyvnytsky të shtunën mbrëma. Gruaja deklaroi se ka dëgjuar të shtëna armësh dhe menjëherë ka ht=yrt në ambientet e dhomës, ku ka gjetur bashkëshortin të vdekur.
Policia ka nisur hetimet për vdekjen, por nuk ka dhënë komente të tjera.
Një politikan vendas, Andrii Lavrus, shkroi në Telegram se Nakonechny ka qëlluar veten, por ky informacion ende nuk është konfirmuar.
Nakonechny ka drejtuar SBU në rajonin e Kirovograd që nga janari 2021.
