Gjendet i pajetë një person në Fushë Prezë, në kryqëzimin me rrugën e Rinasit. Mësohet se viktima Abdulla Budlla, 71-vjeç është konstatuar i shtrirë në anë të rrugës.
Burime për “ABC News” bëjnë me dije se paraprakisht dyshohet se ka humbur jetën si pasojë e përdorimit të armës së zjarrit. Po sipas burimeve bëhet me dije se 71-vjeçari dyshohet të jetë qëlluar nga një mjet në lëvizje.
Në vendngjarje kanë shkuar shërbimet e policisë dhe grupi hetimor ku vijon punën për zbardhjen e rrethanave të ngjarjes. Ndërkohë raportohet se në zonë nuk ka kamera sigurie./ Burimi: Abc News
