Uliks Gjinarari, vëllai i Gert Gjinararit, autor i vrasjes së Naim Zyberit, është gjetur i pajetë në banesën e tij në fshatin Lukovë të Sarandës.
Uliks Gjinari u gjet i pajetë nga familjarët mesditën e sotme rreth orës 14:00, ndërsa shkaqet e vdekjes janë ende mister.
Kujtojmë se në mes të korrikut të këtij viti vëllai i tij, Gert Gjinarari, i dënuar me burgim të përjetshëm për vrasjen e të konsideruarit i forti i Tiranës, Naim Zyberit, në vitin 1997 në Itali u lirua nga qelia. Ai përfitoi lirim me kusht, pasi në vendim argumentohej se kishte ‘Sjellje shembullore në burg. Marrëdhënie të rregulluara me trashëgimtarët e viktimës’.
Vendimi i gjykatës u apelua, ndërsa u pezullua drejtori i burgut të Drenovës dhe u kërkua hetimi i gjyqtarit që e liroi nga qelia./Opinion.al
