Një rast i rëndë me pasoja diplomatike, po hetohet nga zyrtarët e Departamentit për Krime për jetën dhe sigurinë në Greqi.
Konsullit rus në Greqi, Andrei Malanin është gjetur i vdekur në banesën e tij në Herod Atticus Road.
Diplomati nuk ka qenë në punë ditën e sotme, ç’ka ka bëre që kolegët të shqetësohen dhe kanë shkuar menjëherë në banesën e tij. Sipas mediave greke, kolegët kanë lajmëruar policinë, pasi askush nuk iu është përgjigjur gjatë kohës që ata kanë shkuar në banesën e Malaninit. Pasi, hynë në apartament ata panë të vdekur konsullin të shtrirë në dyshëmë në shpinë.
Sipas hetimeve paraprake, vdekja e diplomatit është për shkaqe natyrale. Pritet që ekspertiza ligjore të japë me tepër informacione lidhur me këtë ngjarje.
Vetëm disa javë më parë në Turqi u vra një ambasador rus gjatë kohës që ai ishte duke mbajtur një fjalim.tvklan.al
