Një person i pajetë është gjetur këtë të enjte në aksin rrugor Elbasan-Peqin, në fshatin Paper. Dyshohet se personi ka humbur jetën, pasi është aksidentuar nga një drejtues automjeti, ende i paidentifikuar.
Ky i fundit është larguar nga vendngjarja pas aksidentit.
“Më datë 22.12.2022, në aksin rrugor Elbasan-Peqin, në fshatin Paper, është gjetur i pajetë, në rrugë, një shtetas ende i paidentifikuar.
Nga veprimet hetimore paraprake dyshohet se ky shtetas ka humbur jetën pasi është aksidentuar nga një drejtues automjeti, ende i paidentifikuar, i cili është larguar nga vendngjarja”-njofton policia.
Grupi hetimor po punon për zbardhjen e rrethanave të aksidentit, identifikimin e viktimës, identifikimin dhe kapjen e drejtuesit të automjetit.
