Një 78-vjeçar është gjetur i pajetë në banesë këtë të diel në në lagjen nr. 17 në Durrës.
Policia njofton se i moshuari jetonte i vetëm, ndërsa në trupin e tij nuk janë konstatuar shenja dhune.
Sipas autoriteteve, vdekja e 78-vjeçarit ka ndodhur nga shkaqe natyrale. Ndërkohë, grupi hetimor po punon për zbardhjen e rrethanave të ngjarjes.
Njoftimi i plotë i policisë
Durrës/Informacion paraprak
Më datë 21.02.2021, në lagjen nr.17, Durrës, është gjetur pa shenja jete në banesë, shtetasi B. C., rreth 78 vjeç, i cili banonte i vetëm.
Nga këqyrja paraprake nuk janë konstatuar shenja dhune dhe dyshohet se ka ndërruar jetë nga shkaqe natyrale. Grupi hetimor po punon për zbardhjen e rrethanave të ngjarjes./ Opinion.al
