Një 70-vjeçar është gjetur i pajetë në banesën e tij në Korçë. Mësohet se trupi i pajetë i përkiste shtetasit Vangjush Prodani, i cili Prodani prej 3 muajsh kishte humbur kontaktet me familjarët dhe kohët e fundit ka jetuar i vetëm në banesën ku dhe u gjet i vdekur.
Po ashtu bëhet me dije se dhe banorët e zonës e kishin vërejtur mungesën e tij, pasi janë shprehur se kishin kohë që nuk e kishin parë.
Dyshimet janë se 70-vjeçari mund të ketë disa ditë që ka vdekur, por për këtë duhet pritur ekspertiza mjeko-ligjore.
Ndërkohë mësohet se policia ka shkuar në vendin e ngjarjes dhe po punon për sqarimin e rrethanave të vdekjes së të moshuarit.
