Një 25-vjeçare është gjetur e vdekur këtë të dielë në mëngjes në Shtëpinë e Fëmijës në Vlorë.
Sipas policisë, trupi i pa jetë i së resë është gjetur nga stafi mjekësor.
25-vjeçarja e identifikuar me iniciale D.D., mësohet se vuante nga sëmundja e Epilepsisë.
Mësohet se trupi i pajetë i 25-vjeçares do të dërgohet drejt morgut, ku pritet përgjigjja e ekspertizës mjekoligjore për të përcaktuar shkakun e vdekjes, por paraprakisht dyshohet për shkaqe natyrale.
“Sot, rreth orës 10:00, në shtepinë rezidenciale të fëmijës, Vlorë, nga stafi mjeksorë, është gjetur pa shenja jete, shtetasja D. D., 25 vjeçe, e cila vuante nga sëmundja e Epilepsisë.
Trupi i pajetë do të dërgohet drejt morgut, ku pritet përgjigjja e ekspertizës mjekoligjore për të përcaktuar shkakun e vdekjes, ku paraprakisht dyshohet për shkaqe natyrale”, njofton policia.
Për zbardhjen e ngjarjes është ngritur një grup hetimor dhe po vijojnë hetimet./Opinion.al
