Një 71-vjeçare, banuese në Korçë, është gjetur e mbytur këtë të dielë në liqenin e Pogradecit. Policia njofton se gruaja ishte larguar nga banesa më datë 12 shkurt 2022. Nga këqyrja paraprake e trupit të viktimës nuk janë konstatuar shenja dhune.
“Më datë 22.05.2022, rreth orës 11:35, jemi njoftuar se në vendin e quajtur “Pompat e Tushemishtit” në Pogradec, është gjetur e mbytur në liqen shtetasja H. Q., 71 vjeçe, banuese në Korçë, e cila ishte larguar nga banesa më datë 12.02.2022. Nga këqyrja paraprake e kufomës, nuk janë konstatuar shenja dhune”, njoftin policia.
Grupi hetimor po punon për sqarimin e rrethanave të ngjarjes.
