Pas shumë kërkimesh janë gjetur mbetjet e aeroplanit të zhdukur me të cilin po udhëtonte sulmuesi argjentinas Emiliano Sala. Rrënojat e aeroplanit u gjetën në shtratin e Kanalit Anglez.
Aeroplani i Sala u zhduk nga radarët më 22 janar gjatë fluturimit nga Nates (Francës) drejt Cardiffit (Uells). Sa bashku me sulmuesin francez në bord ishte dhe piloti David Ibbotson, trupat e të cilëve nuk janë gjetur ende.
Sapo avioni humbi nga radarët, autoritetet nisën kërkimet por i ndalën pas pak ditësh për shkak të kushteve të motit si dhe vështirësisë së terrenit.
Por falë insistimit të familjes së futbollistit kërkimet nisën sërish nga Dega e Hetimit të Aksidenteve Ajrore, së bashku me një anije private, e financuar nga familja e Salasë.
Gjetja e mbetjeve të aeroplanit u bë më anë të sistemit ‘sonar’, një teknikë për zbulimin e objekteve nën ujë dhe për matjen e thellësisë së ujit duke emetuar impulse të zërit, ndërsa rrezja e kërkimeve për të gjetur aeroplanin u përqëndrua në hapësirën ku avioni humbi kontaktet në radio dhe u zhduk nga radarët.
Ekspertët kanë thënë edhe më herët se nuk ka shanse për të gjetur të mbijetuar, por shpresojnë se kutia e zezë e avionit, do të zbulojë shkakun e vërtetë të rrëzimit./E.M
