Policia ka arrestuar një trajner futbolli të Tenesit pasi gjeti video në celularin e tij, të cilat përmbanin pamje të disa minorenëve pa ndjenja duke u përdhunuar.
I akuzuari i identifikuar si Camilo Hurtado Campos po mbahet në Franklin, Tennessee, me akuza për përdhunim të fëmijëve dhe shfrytëzim seksual të të miturve, sipas një njoftimi nga Departamenti i Policisë.
Policia thotë se ata u alarmuan pasi Campos la telefonin e tij në një restorant dhe punonjësit përmes pajisjes kërkonin informacion për pronarin në mënyrë që ta kthenin atë.
“Ajo që ata gjetën, në vend të kësaj, ishin dhjetëra video dhe fotografi të pandërgjegjshme të fëmijëve”, thanë autoritetet në njoftimin për shtyp.
Autoritetet hetuan dhe gjetën qindra pamje dhe video shqetësuese në telefonin e 63-vjeçarit. Policia thotë se Campos “regjistroi veten duke përdhunuar fëmijë të pavetëdijshëm nga mosha 9 deri në 17 vjeç”.
Deri më tani, përdhunimet e “të paktën 10 fëmijëve” janë gjetur në telefon dhe detektivët kanë arritur të identifikojnë tre nga viktimat, thotë policia.
Detektivët thonë se viktimat mund të mos e dinë se janë përdhunuar për shkak të gjendjes së pavetëdijshme.
Campos ka jetuar në qytetin e Franklin, në jug të Nashville, për dy dekadat e fundit. Trajneri i futbollit dyshohet se frekuentonte këndet e lojërave të shkollave, ku ai afrohej dhe mësonte fëmijë për të luajtur futboll, shumë prej të cilëve më vonë i ftonte në shtëpinë e tij pasi të fitonte besimin e tyre, thanë autoritetet.
Policia e Franklin po përpiqet ende të identifikojë viktimat e tjera për të marrë deklaratat e tyre lidhur me 63-vjeçarin./Opinion.al
