Kapet 1.2 ton kanabis dhe arrestohet Ilirjan Borakaj, 55 vjeç, banues në fshatin Peshkëpi të Vlorës. Operacioni antidrogë është zhvilluar në fshatin Peshkëpi. Lënda narkotike, ishte fshehur poshtë banesës së 55-vjeçarit, nëpër tunele të nëndheshme të hapura posaçërisht për fshehjen e drogës. Ajo u gjet e paketuar me qese plasmasi dhe natriban ngjitës.
Sasia e madhe e lëndës narkotike do të trafikohej në ditët në vijim nëpërmjet detit drejt Italisë.
Një prej autorëve dyshohet se është vëllai i Ilirjan Borakës, Jetnor Borakaj, 44 vjeç, i shpallur në kërkim për “Prodhim dhe shitje narkotikësh” që prej vitit 2012. Ai është dënuar në mungesë me dy vite burgim. Po kështu ka edhe persona të tjerë të dyshuar të përfshirë në këtë trafik, tha policia.
Janë sekuestruar:
– 1 255 kg Cannabis
– 2 automjete me të cilat dyshohet se do të bëhej transportimi i saj
– makineri për presimin e lëndës narkotike
– fishekë, qese vakumi si dhe materiale të tjera të gjetura në vendngjarje.
