Një multimiliarder kanadez dhe gruaja e tij janë gjetur të vdekur në shtëpinë e tyre në Toronto në rrethana “të dyshimta”. Trupat e pajetë të Honey and Barry Sherman u gjetën në bodrum e vilës luksoze. Z. Sherman është themeluesi i gjigandit farmaceutik “Apotex”. Ai ishte një nga burrat më të pasur të Kanadasë dhe një filantrop i shquar. Policia tha se po heton për ngjarjen dhe ende nuk është përcaktuar shkaku i vdekjes së çiftit të famshëm.
Për lajmin e keq ka reaguar Kryeministri kanadez Justin Trudeau: “Sophie dhe unë jemi të pikëlluar nga lajmet për vdekjen e papritur të Barry dhe Honey Sherman. Ngushëllimet tona shkojnë për familjen dhe miqtë e tyre”.
Sophie and I are saddened by news of the sudden passing of Barry and Honey Sherman. Our condolences to their family & friends, and to everyone touched by their vision & spirit.
— Justin Trudeau (@JustinTrudeau) December 16, 2017
“Unë s’kam fjalë” tha ministri i Shëndetësisë i Ontarios, Eric Hoskins, duke shtuar: “Miqtë e mi të dashur Barry dhe Honey Sherman janë gjetur të vdekur. Njerëz të mrekullueshme, filantropë të pabesueshëm, liderë të mëdhenj të kujdesit shëndetësor”.
Çifti kohët e fundit kishte vënë në shitje shtëpinë e tyre luksoze dhe trupat e tyre u gjetën pikërisht nga agjenti i pronave që kishte shkuar aty për të bërë vlerësimin e pronës, njoftoi “Toronto Globe and Mail”, duke cituar një anëtar të familjes.
Sakaq ka reaguar edhe kompania Apotex. “Të gjithë Ne, në Apotex jemi thellësisht të tronditur dhe të trishtuar nga ky lajm dhe mendimet dhe lutjet tona shkojnë për familjarët e të ndjerëve”.
Sherman themeloi Apotex Inc në vitin 1974 dhe firma thotë se tani është prodhuesi i shtatë më i madh i ilaceve në botë. Revista Forbes e ka vlerësuar pasurinë neto të Sherman në 3.2 bilionë USD. Çifti ka katër fëmijë.
/Në shqip: Opinion.al
*Foto nga vendi i ngjarjes: Trupat e pajetë nxirren nga shtëpia dhe çohen drejt morgut
