Një hetim për vrasje ka nisur pasi pesë trupa të pajetë u gjetën në një banesë në veri-lindje të Parisit.
Viktimat janë një grua dhe katër fëmijët e saj të moshës nga nëntë muaj deri në 10 vjeç, thonë prokurorët.
Trupat e tyre u gjetën vonë të hënën në mbrëmje në qytetin Meaux, 40 km (25 milje) nga kryeqyteti francez.
Policia është në kërkim të babait 33-vjeçar, i cili ndodhet “në arrati”. Të afërmit kanë ngritur alarmin pasi nuk kanë marrë asnjë përgjigje nga familja.
Prokurori Jean-Baptiste Bladier konfirmoi për mediat franceze se shërbimi i policisë gjyqësore të Versajës po hetonte mbi ngjarjen.
Banesa nuk kishte shenja të shkatërrimit dhe babai i fëmijëve nuk ishte i pranishëm, tha ai.
Rajoni i Parisit ka parë kohët e fundit një seri vrasjesh foshnjore:
Në fund të nëntorit, një burrë 41-vjeçar rrëfeu se kishte vrarë tre vajzat e tij, katër, 10 dhe 11 vjeç, dhe u dorëzua.
Në tetor, një polic vrau tre vajzat e tij përpara se të vriste veten në shtëpinë e tij në Vemars në Val-d’Oise.
