Trupi i pajetë i një burri është gjetur rreth orës 10:55 të ditës së sotme në Durrës. Kufoma u zbulua në Bisht – Pallë, nga patrulla e Policisë Kufitare, rreth 30 m nga bregu.
Sipas policisë, kufoma i përket seksit mashkull. Ai është rreth 40 – 45 vjeç dhe ende i paidentifikuar. Kufoma është 1.75 cm i gjatë dhe ka të veshur një palë pantallona ngjyrë të zezë, xhup ngjyrë blu të errët, atlete ngjyrë kafe dhe jelek shpëtimi. Sipas bluve të Durrësit, kqyrja e kufomës nuk janë evidentuar shenja dhune.
Ky është rasti i tretë brenda pak ditësh.
Të shtunën e javës kaluar (25 Mars) u gjet trupi i pajetë një burri, 10 milje larg kepit të Spillesë. Kanë qenë anëtarët e ekuipazhit të një anije peshkimi, ata që kanë parë fillimisht trupin e pajetë në ujë. Kufoma është në morg për t’iu nënshtruar ekspertizës mjeko-ligjore.
Ndërsa të premten e javës së kaluar (24 Mars) u gjet pranë ishullit të Sazanit trupi i pajetë një burri. Më pas ai u identifikua si Numan Laze 60 vjeç. Dyshohet se ai ishte në skafin që u gjet i mbytur për shkak të ngarkesës së drogës.
