Teksa studiuesit gërmonin në Huanchaco, një qytet turistik në veri të kryeqytetit Lima në Peru, zbuluan skeletet e 227 fëmijëve, të cilët mendohet se ishin në moshë midis katër dhe 14 vjeç.
Sipas ekspertëve, Peruja është vendi më i madh i sakrificave në botë, ndaj mendohet se fëmijët u flijuan në një ritual për të nderuar perënditë e kulturës Chimu.
Arkeologu Feren Castillo tha se fëmijët mund të jenë vrarë për të provuar dhe ndaluar motin e keq të njohur si fenomeni El Nino në rajon.
‘Ky është vendi më i madh ku janë gjetur mbetjet e fëmijëve të sakrifikuar. Ata u sakrifikuan për të qetësuar fenomenin El Nino”, tha ai.
El Nino, që do të thotë djali i vogël në Spanjisht, lidhet me ndryshimin e klimës që përfshin ngrohjen e pazakontë të ujit në Oqeanin Paqësor.
Termi filloi të përdorej fillimisht nga peshkatarët në shekullin XIX, kur ata vunë re ujërat që ngroheshin rreth kohës së Krishtlindjes. Ndyshim ky që shoqërohej me efekte të dëmshme në peshkim, bujqësi dhe motin lokal nga Ekuadori në Kili.
El Nino nuk mund të parashikohet në të njëjtën mënyrë si modelet e tjera të motit siç janë batica, që do të thotë se mund të shkaktojë kaos për komunitetet./Opinion.al
