Teksa gjatë gjithë verës Tirana ka vuajtur mungesën e ujit, një gjë të tillë e hedh poshtë nëndrejtoresha e përgjithshme e UKT-së, Evis Gjebrea.
Këtë të martë, në emisionin Opinion ajo u pyet direkt për mungesën e ujit, ndërsa hodhi poshtë të gjithë raportimet nga tereni.
“Reshjet e fundit shkaktuan turbulli në ujësjellësin e Bovillës. Uji nuk ka qenë problem përpara se të binte shiu, se kemi pasur një menaxhim të mirë Tiranës. Ka qenë një problem i javës së kaluar që kemi patur një çarje tubi nga ujësjellësi i Bovillës, që është rregulluar brenda natës”, tha Evis Gjebrea.
“Duhet të pranojmë që ka qenë thatësirë e madhe, ka qenë një verë shumë e nxehtë por kemi bërë menaxhim të mirë”, theksoi nëndrejtoresha e përgjithshme e UKT-së, duke argumentuar se pjesa më e madhe e Tiranës furnizohet nga ujësjellësi i Bovillës.
Fevziu: Ka pasur një problem në Tiranë dhe gjithë qytetet e tjera për ujin? Apo është planifikimi normal?
Gjebrea: Tirana është rregulluar krahasuar me dy vite më parë. Marrim zonën e Astirit dhe Yzberishtit që ka qenë vende të nxehta dhe të cilat furnizohen vetëm nga puse. Puset që sigurisht që gjatë periudhës së verës niveli i tyre bie dhe kjo është arsyeja që këtë vit në kemi vënë në funksion Bovillën. Tashmë Astiri dhe Yzberishti marrin ujë nga Bovilla.
Fevziu: Mungesa e ujit ka qenë çështja e një defekti teknik?
Gjebrea: Po, kemi qenë në rrjete sociale. Meqënëse Bovilla furnizohet nga Bovilla dhe prandaj është ndier dhe mungesa e ujit gjatë javë së kaluar./ Opinion.al
