Gjashtë persona të akuzuar për vepra të ndryshme penale janë vënë në pranga nga policia në Tiranë.
Specialistët për Hetimin e Narkotikëve arrestuan në flagrancë A. Z., 24 vjeç dhe E. Ç., 23 vjeç, pasi gjatë kontrollit të mjeteve përkatëse me të cilin të rinjtë qarkullonin në kohë dhe vende të ndryshme, efektivët e Forcës së Posaçme “Shqiponjat” gjetën dhe sekuestruan një sasi me lëndë narkotike kanabis.
Sakaq, specialistët e Qarkullimit Rrugor bënë arrestimin në flagrancë të shtetasve:F.L., 41 vjeç, pasi u kap duke drejtuar mjetin pa lejen përkatëse; K. H., 28 vjeç, G. B., 46 vjeç dhe J. B., 36 vjeç, pasi u kapën duke drejtuar mjete përkatëse në gjendje të dehur.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme./Opinion.al
