Autori i dyshuar i plagosjes me thikë të një shqiptari në Itali është vënë në pranga në Foggia.
55-vjeçari dyshohet se është arrestuar mbrëmë nga karabinierët, i akuzuar për tentativë vrasjeje dhe mbajtje pa leje të thikës.
Italiani 55-vjeçar, të shtunën goditi me thikë në fyt 38-vjeçarin shqiptar, i cili në Itali punonte si murator.
Ngjarja ndodhi përpara një lokali në Ravenna. Pas ngjarjes, autori u arratis në këmbë dhe më pas përdori një makinë. U deshën 2 ditë që të identifikohej se kush ishte dhe të vihej. Sipas mediave italiane pozicioni i autorit të dyshuar do të shqyrtohet nga organet e drejtësisë. Ai ishte arratisur në vendlindjen e tij, siç raporton RavennaToday.
Nga ana tjetër, 38-vjeçari shqiptar ndodhet në spital në gjendje të rëndë shëndetësore. Ai i është nënshtruar një operacioni shumë delikat të qepjes jugulare në spitalin lokal.
Sipas asaj që njoftojnë mediat shkaku i sherrit mes të dy personave ka qenë një dsebat për politikë. 38-vjeçari shqiptar e ka goditur me shuplakë italianin dhe ky i fundit ka reaguar duke nxjerrë thikën e duke e therur në fyt.
Hetimet janë në dorën e njësisë hetimore operative të karabinierëve të Ravenës dhe të koordinuara nga prokurorja Angela Scorza./Opinion.al
