Giuseppe Conte është Presidenti i ri i Lëvizjes 5 Yjet, duke marr 62.242 vota nga 67.064 votues përmes platformës SkyVote.
“Sot po hapet një fazë e re, është dita e kthesës. Lëvizja evoluon, ndryshon, rritet për t’i dhënë përgjigje konkrete qytetarëve, pa harruar parimet dhe vlerat e veta, të konfirmuara dhe të pasuruara në Statutin e miratuar me një shumicë shumë të madhe dy ditë më parë. Votimi i sotëm është gjithashtu i qartë. Anëtarët nuk kishin dyshime: Giuseppe Conte është personi i duhur. Ai duhet të jetë ai që do të na udhëheqë”, shkruhet në faqen e e lëvizjes në FB.
Fjalët e Contes
“Kuorumi shumë i lartë më jep energji të madhe dhe përgjegjësi të madhe. Unë do të bëj çmos që të mos ju zhgënjej, t’i kthej dinjitetin politikës”, ka bërë të ditur ish-Kryeministri Conte pas zgjedhjes./Opinion.al
