Nisja e Giro d’Italia 2025 nga Shqipëria ka bërë jehonë në shumë mediat italiane, por edhe botërore.
Konfirmimi u vonua, megjithatë tani është zyrtare që Xhiro e Italisë do ta nisë edicionin e vitit 2025 për herë të parë nga Shqipëria.
Prezantimi i asaj që quhet “La Grande Partenza”, ose ndryshe “Nisja e Madhe” u zhvillua në ambientet e kryeministrisë.
Gara 114-vjeçare është një prej tre eventeve çiklistike më të rëndësishme në botë. Ajo transmetohet në 200 vende të botës dhe ndiqet nga mbi 800 milionë telespektatorë.
Etapa e parë e Xhiros së Italisë nis në Durrës më 9 maj2025. Pas 164 kilometrave, çiklistët do të mbërrijnë në Tiranë.
Etapa e dytë, më 10 maj në kryeqytet është vetëm 13,7 km e gjatë, ndërsa në etapën e tretë më 11maj, gara do të zhvillohet në Vlorë, për të shfrytëzuar terrenin malor, duke përshkuar edhe pjesën më të madhe të bregdetit.
Kjo garë çiklistike është një nga më prestigjiozet në Europë dhe botë.
Itinerari i plotë i Giro d’Italia 2025 që ka mbërritur në edicionin e 108 do të prezantohet më 13 Janar.
