Sekretari i Marrëdhënieve me Jashtë i Partisë Demokratike, Gerti Bogdani, ka dhënë dorëheqjen nga posti i tij në parti. Lajmin ai e bëri vetë të ditur nëpërmjet një postimi në Facebook.
“Si rezultat i nje kohe te gjate ne kete pozicion, besoj ka ardhur koha per te pranuar sfida dhe angazhime te reja, per te vazhduar te jap kontributin tim per forcimin e metejshem te Partise Demokratike. Ju garantoj ju dhe çdo anetar te Partise Demokratike qe angazhimi dhe perkushtimi ne keto sfida te reja, do te jete gjithmone maksimal dhe gjithmone duke ruajtur parimin se te drejtat, mireqenia dhe shpresa e munguar, jo vetem e çdo demokrati, por mbi te gjitha e çdo qytetari te ndershem shqipetar, do te jete ylli polar i punes sime. Ndaj, ne kete kuader i kam kerkuar kryetarit te Partise Demokratike te pranoje doreheqjen time nga pozicioni i Sekretarit te Marredhenieve me Jashte te Partise Demokratike” shkruan ndër të tjera Bogdani.
Gerti Bogdani ka mbajtur postin e Sekretarit të Marrëdhënieve me Jashtë që prej vitit 2007. Tashmë pritet që Bogdani të marrë një angazhim të ri brenda Partisë Demokratike. Dorëheqja e tij vjen në një periudhë kur Partia Demokraike ka paralajmëruar prezantimin e një platforme për zgjidhjen e krizës në vend si dhe një aksion opozitar mbarë kombëtar. /Opinion.al
