Ditë më parë këngëtarja e grupit “Spice Girls” Mel B ka deklaruar se ajo dhe anëtarja tjetër e grupit Geri Horner kanë kaluar një natë së bashku vite më parë. Gjithashtu ajo ka shtuar se të pesta kanë fjetur gjithnjë me njëra-tjetrën kanë kaluar kohën duke qëndruar bashkë dhe se ajo natë nuk ishte asnjë domethënie për të dyja.
Më pas ne disa media u publikua se në fakt vajzat kanë patur një marrëdhënie 1-vjeçare bashkë. Këto lajme në media kanë bërë që Geri të reagojë përmes një deklarate nga përfaqësuesi i saj të dielën që lamë pas.
Ajo i mohoi të gjithë këto lajme gjithashtu konfirmoi se do të ishte pjesë e turit të rikthimit të grupit të njohur, pavarësisht me nga thashethemet. Megjithatë një burim i afërt i Mel B është shprehur për “The Mirror” se këngëtarja është tërësisht e habitur nga mohimi i Gerit për natën që kanë kaluar bashkë.
“Mel ndjen se Geri po e bën të duket një gënjeshtare. Duket sikur ajo po përpiqet të fshijë historinë e tyre. Gjithashtu Mel ka vijuar të theksojë se ajo natë nuk kishte asnjë rëndësi as për t’u bërë diçka e këtyre përmasave.”
Nuk dihet se si do të vijojë marrëdhënia e tyre dhe nëse këto deklarata do të ndikojnë në praninë e secilës në turin që pritet të zhvillohet muajin e ardhshëm./Opinion.al/
