Seanca e sotme e Gërdecit është shoqëruar me tensione dhe debate.
Në sallën e gjyqit familjarët e viktimave të tragjedisë së Gërdecit janë përplasur me ish-ministrin Fatmir Mediu.
Mediu, i kërkoi Gjykatës së Posaçme të urdhërojë kryerjen e një akt ekspertimi të ri ekonomiko-financiar për ngjarjen.
Përmes avokatëve të tij Mediu pretendoi se akt-ekspertimi i paraqitur si provë nga SPAK ka probleme në formë dhe në përmbajtje.
Sipas avokatëve, vendimi për akt-ekspertimin nuk i është bërë me dije Mediut gjatë hetimit paraprak dhe ekspertët janë zgjedhur në mënyrë të njëanshme, në kushte të papajtueshmërisë ligjore.
Ndërsa nga ana tjetër, familjarët e kanë akuzuar Mediu si vrasës dhe kriminel, duke akuzuar dhe prokurorët që nuk i ngrenë akuzë Mediut.
”E kanë fajin prokurorët që nuk ngrenë akuzë për vrasje, nuk të dëgjojmë dot, është absurde, je kriminel, turp të të vijë”, thanë familjarët.
