Në fund të ndeshjes me Marokun, Kristiano Ronaldo shpërtheu në lot, teksa shkoi i vetëm në dhomat e zhveshjes. Duket se ka përfunduar keq për yllin portugez ky botëror që mund të jetë edhe i fundit.
Tranjeri i Portugalisë, Fernando Santos e dërgoi atë në stol për herë të dytë radhazi, vetëm për ta futur në lojë pas 6 minutave të pjesës së dytë.
Pikërisht, ky veprim i tranjerit ka nxitur reagimin e partneres së Ronaldos Georgina Rodriguez, e cila thotë se Santos mori një vendim të keq.
“Sot shoku dhe trajneri yt bëri një gabim. Ai shoku për të cilin ke kaq shumë fjalë admirimi dhe respekti. I njëjti që kur të futi në fushë, pa se si gjithçka ndryshoi, por ishte tepër vonë. Nuk mund të nënvlerësohet lojtari më i mirë në botë, ‘arma’ e tij më e fuqishme”.
Kështu ka shkruar në Instagram, Georgina Rodriguez. “Nuk mund të mbrosh dikë që nuk e meriton. Jeta na jep mësime. Sot nuk humbëm, mësuam”, përfundoi Georgina.
Edhe më i rëndë postimi i motrës së Ronaldos. Ajo shkroi në rrjetet sociale: “E vranë njeriun, vranë një kombëtare, vranë një komb”. Në historinë në Instagram, Elma Aveiro – siç raporton gazeta sportive A Bola – lëshon hashtagun #fernandosantosout. Një hashtag i qartë që kërkon largimin e Fernando Santos nga kombëtarja portugeze”.
