Ish-kryeministri i Maqedonisë, Ljubço Georgievski, në një intervistë për gazetën maqedonase ““Utrinski Vesnik”, ka thënë se Maqedonia e sotme nuk ka lidhje me antiken. Ai tha se rrënjët e popullit maqedonas janë sllave dhe ka akuzuar qeverinë e Shkupit për propagandë.
“Argumenti kryesor i pushtetit aktual është se nëse do t’i vëmë një parashtresë emrit të shtetit, të tipit “e epërme” ose “veriore”, do ta ndryshojmë identitetin e popullit maqedonas. Nuk ka ndryshim më të madh për identitetin e njeriut, nga ky që i është bërë popullit maqedonas nga ana e VMRO-DPMNE-së. Ndryshimi i parë i identitetit u bë me ndërhyrjen e parë në historinë për antikuizicion që u bë pa kurrfarë baze. As që ka gjurmë dhe rrënjë që ndërlidhen me historinë antike”, thotë ish-kreu i kreu i qeverisë maqedonase, shkruan “Zhurnal”.
Georgievski shton se propaganda e antikes së pushtetit, mbahet gjallë nga ana e mediave pranë VMRO-së.
