Bota

George Bush tregon pse vendosi të ndërhynte ushtarakisht në Afganistan


Bëhu pjesë e Grupit Zyrtar të Opinion.al
>> KËTU <<
               Publikuar në : 21:45 - 01/09/21 |
Opi Nion

Ish-Presidenti amerikan George Bush ka folur lidhur me vendimin e tij të 20 viteve më parë për të ndërhyrë ushtarakisht në Afganistan dhe për ta pushtuar pas sulmeve terroriste të 11 Shtatorit 2001 në kullat binjake.

Bush shprehet për BBC se vendimi për ndërhyrjen në Afganistan ka qenë i drejtë pasi ka mbrojtur qytetarët amerikanë.

 “Kam marrë disa vendime të mëdha. Duke filluar me faktin që Amerika është në luftë. Dhe ato vendime nuk u morën në zemërim e sipër, u morën duke pasur një qëllim në mendje, që ishte për të mbrojtur popullin amerikan. Mendoj se kisha të drejtë”.

I pyetur nëse veprimet e tij pas 11 Shtatorit e bënë botën më të sigurt, Bush u përgjigj: “Nuk ka patur sulme të tjera kundër SHBA. Le t’ua u lëmë historianëve që ta zgjidhin. Dua të them që jam i kënaqur me vendimet që kam marrë”.

Ish-presidenti i SHBA ka treguar dhe momentin kur u informua për sulmin e kullave binjake.

 “Në fillim mendova se ishte gabim i pilotit. Nuk mund të imagjinoja asgjë tjetër përveç faktit se ishte një pilot i keq”, u shpreh Bush duke menduar se përplasja ishte një aksident.

Kur ndodhi sulmi terrorist në SHBA, George Bush dhe anëtarë të lartë të kabinetit të tij ndodheshin në një shkollë fillore për të promovuar programin e ri arsimor. / Opinion.al

Pas