Ish-deputetja demokrate, Jorida Tabaku, shprehet se kryeministri Edi Rama ka gënjyer për planin ekonomik të rimëkëmbjes.
Ajo ka publikuar në Facebook një video me deklarata të kryeministrit Rama, ndërsa thekson se brenda 15 ditëve gënjeu tre herë për planin ekonomik.
Sipas ish-deputetes, Rama gënjente pa iu dridhur qerpiku dhe sot 1 në 3 biznese ka ulur qepenin dhe 57 mijë shqiptarë se paku kanë humbur punën.
Video-mesazhi i Tabakut:
Në harkun kohor të 15 ditëve gënjeu tre herë në radhë për planin ekonomik. Sa herë pyetej për ndihmën qesharake ndaj shqiptarëve kur e gjithë bota shpenzonte çkishte për të rimëkëmbur ekonomitë, Rama gënjente pa iu dridhur qerpiku. Sot 1 në 3 biznese ka ulur qepenin dhe 57 mijë shqiptarë se paku kanë humbur punën, në një ekonomi ku 40% e ekonomisë është informale numrat janë më alarmantë.
Sa me shumë flet e vërteta aq më shumë thërrasin e bërtasin. Shqipëria ka shpresë dhe ditë më të mira do të vijnë, pasi shqiptarët do t’i tregojnë vendin gënjeshtarit që ka mbyllur qeverinë me pushime ndërsa shqiptarët humbasin punën./ Opinion.al
