Gazment Bardhi ka treguar në emisionin “Opinion” kontratën e fundit të lobimit dhe aksionin për Kathleen Ann Kavalec, që ishte e nominuara e Presidentit Donald Trup për ambasadore të SHBA në Tiranë, por ajo nuk e mori miratimin e Senatit për këtë detyrë.
Sipas zyrtarit të PD-së, lobimi i ri me senatorë amerikanë është bërë që ata të bindnin Kathleen Ann Kavalec që të shikonte problemet reale në vend: çështjet e narkotrafikut, krimit të organizuar dhe kapjes së shtetit.
LEXO EDHE- PD loboi në Uashington për ambasadoren e re amerikane në Shqipëri
“I kemi kërkuar senatorëve që këto tre çështje të jenë prioritare të ambasadores së re që do vinte në Tiranë”, tha Bardhi.
Për këtë lobisti i kompanisë Christian Bourge, ka dërguar për llogari të Partisë Demokratike 6 e-mail, ka kryer 2 telefonata dhe 3 takime me anëtarët e Senatit dhe këshilltarët kryesorë të senatorëve nga Komiteti për Politikën e Jashtme, të cilët kishin mbi tavolina dokumentacionin e kandidaturës së ardhur nga Presidenti Trump për ambasadore në vendin tonë./Opinion.al
