Drejtori i Përgjithshëm i Policisë së Shtetit Ardi Veliu, u ka dërguar një letër ndjese bizneseve pranë Parlamentit.
Veliu me anë të kësaj letre iu ka kërkuar ndjesë gjithë bizneseve dhe klientëve të tyre për shqetësimin e krijuar si pasojë e përdorimit të gazit lotsjellës gjatë protestës së datës 26 shkurt para Parlamentit të Shqipërisë.
“Policia e Shtetit ju kërkon ndjesë nëse përdorimi i gazit lotsjellës në protestë ka sjellë shqetësim për shëndetin tuaj apo të klientëve në biznesin tuaj”, thuhet ndër të tjera në letër.
Sipas njoftimit të policisë, përfaqësuesit e bizneseve kanë shprehur mirëkuptim për shqetësimet e shkatuara ditën e protestës./Opinion.al
