Ndërsa fati i bosit të lojërave të fatit Ervis Martinaj mbetet mister, të tjera deklarata kontradiktore vijnë në media. Ka qenë gazetarja Keti Banushi e cila në Euronews, per emisionin “Review” deklaroi se sipas informacioneve jozyrtare kishte patur të dhëna që telefoni i tij kishte pulsuar jashtë vendit. “Nuk them që të gjitha këto janë të vërteta, i kemi me burime dhe nuk është se janë informacione të konfirmuara zyrtarisht”, tha gazetarja duke pohuar se për këtë çështje autoritetet janë shumë hermetike.
“U tha fillimisht, por jo në kuadër të konfirmuar nga policia se telefoni i tij ka pulsuar jashtë Shqipërisë dhe kjo ngriti dyshimin që mund të jetë gjallë. Kjo ka ndryshuar qasjen e prokurorisë dhe u dyshua për një inskenim të zhdukjes nga ana e Vis Martinaj. Nuk them që të gjitha këto janë të vërteta, i kemi me burime dhe nuk është se janë informacione të konfirmuara zyrtarisht. Është një çështje që mbahet shumë hermetike dhe askush nuk jep informacion dhe ne duhet të flasim në bazë të indormacioneve që kemi me burime”, tha gazetarja./Opinion.al
