Gazetarja Klodiana Lala, banesa e së cilës u sulmua në orët e para të ditës me armë ka reaguar ne facebook. Ajo thote se policia eshte angazhuar per ta zbardhur ngjarjen, ndersa mendon se sulmi mund te jete bere per shkak te detyres se saj.
Statusi i plotë
Të dashur miq!
Po ju flas në emrin tim dhe të familjarëve të mi. Jemi mirë, asnjëri prej nesh nuk është lënduar. Megjithatë, jemi të tronditur nga ngjarja. Duke i lënë institucionet të bëjnë punën e tyre, ju siguroj se unë dhe familjarët e mi, nuk kemi asnjë konflikt personal.
Dyshoj se sulmi vjen si rezultat i punës time si gazetare. Këtë profesion e kam ushtruar me ndershmëri e profesionalizëm ndër vite, e do vazhdoj ta ushtroj këtë detyrë me të njëjtin përkushtim, pavarësisht gjithckaje.
Falenderim Ministrit të Brendshëm dhe Policisë së Shtetit që u angazhuan maksimalisht për zbardhjen e ngjarjes.
Ju jam mirënjohës secilit prej Jush që mu gjend pranë në këto momente të vështira.
Lajme te tjera rreth ngjarjes:
Reagimi i kryeministrit per sulmin ndaj gazetares
Foto nga vendi i ngjarjes, plumbat ne banesen e prinderve te gazetares
