Klodiana Haxhia, gazetarja e News24 që mbërriti e para në vendngjarjen e aksidentit fatal në Sukth të Durrësit ku humbën jetën tre vajza dhe shkaktari i aksidentit Dashnor Delialliasi, ka folur në Opinion për rrethanat e aksidentit.
Haxhiaj deklaroi se para mëngjesit në të cilin ndodhi aksidenti, autori Delialliasi ka qënë deri në orën dy të natës duke pirë me miqtë në një lokal të Durrësit, që do të thotë se në momentet e aksidentit mund të ketë qënë i dehur.
Duke iu referuar dëshmive të shoqërisë së tij, Haxhiaj thotë se Delialliasi bëntë çdo natë xhiro me shpejtësi të lartë pëprara se të shkonte në banesën e tij.
“Deri në 2 të natës Delialliasi po pinte në një lokal të Durrësit.Ka konsumuar pije alkollike pafund. Që do të thotë se ka qënë i dehur. Çdo natë para se të shkonte në shtëpi bënte xhiro.Atë natë nuk ka marrë sensin e drejtë nga Durrësi drejt Tiranës por të kundërtin.Nga ora 2 në 4 nuk dihet ku ishte. Dyshohet që ka qënë edhe nën efektin e lëndëve narkotike. Në orën 4 të nëngjesit ka qënë një patrullë në afërsi të një pike karburanti. Ka qënë pikërisht kjo patrullë që konstatoi mjetin që vinte në sens të kudnërt”-tha Haxhiaj në Opinion.
