Në një lidhje nga Ekuadori për emisionin “Opinion”, gazetarja Maria Belen Arroyo ka treguar detaje për historinë e Dritan Rexhepit dhe vrasjen e shqiptarit Arianit Rizaj pak ditë më parë.
Ajo u shpreh se Rexhepi kishte përdorur 5 identitete të ndryshme në Ekuador dhe se dyshohet që të jetë larguarn nga vendi në nëntor të vitit 2022.
“Ai duhet të jetë larguar në nëntor 2022 dhe nuk ka asnjë mundësi tjetër ta ketë lënë Ekuadorin pa bashkëpunim nga autoritetet lokale”, tha gazetarja.
Intervista e plotë
Dritani përdorte 5 identitete të ndryshme këtu në Ekuador dhe per secilin kishte një pasaportë. Kjo mund ti kishte konfuzuar autoritetet këtu. Në vitin 2021 ai përfitoi nga disa benefite të drejtësisë ekuadoriane për të lënë burgun. Një gjykatës me mbiemrin Poma e lejoi Dritanin të kishte një masë alternative për burgun, por nga ana tjetër ai nuk duhej të linte Ekuadorin para 2027.
Ai duhet të jetë larguar në nëntor 2022 dhe nuk ka asnjë mundësi tjetër ta ketë lënë Ekuadorin pa bashkëpunim nga autoritetet lokale.
Ekstradimi i tij ishte kërkuar nga Italia dhe Shqipëria, por në Ekuador kishte një heshtje ndaj kësaj kërkese.
Dua t’ju kujtoj se kongresmeni Fernando Villavisensio ishte i vetmi që e konsideroi këtë rast si korrpupsion.
Për rastin e shqiptarit tjetër, ai u qëllua nga dy persona me motor jashtë një spitali publik dhe ju mohua ndihma mjekësore. Sepse mjekët dhe stafi i spitalit kishin frikë që mund të sulmohehsin nga këta persona që vranë Arianit Rizaj.
Ne mendojmë se të dyja rastet mund të kenë lidhje, por duke ditur se në polici kanë ndodhur ndryshime të mëdha që lidheshin me vrasjen e Fernando Vilavicensios dhe tani policia ka drejtues të rinj. Rasti i Arjanit Rizaj po hetohet si një krim, por nuk kemi lajme nëse autorietet kanë gjetur lidhje mes tij dhe Dritan Rexhepit.
