Drejtuesja e “Open Data”, Aranita Brahaj përmes një statusi në facebook ka denoncuar një biznesmen që e ka kërcënuar për të hequr të dhënat nga portali. Sipas saj, ka bërë denoncim në polici, ndërsa gjatë procesit të hetimit, prokurorja e çështjes ka ndryshuar vepren penale me qëllim zbutjen e dënimit për autorin. Ndaj biznesmenit në fjalë është ngritur akuzë për “keqpërdorim të thirrje telefonike” dhe JO kërcënim për shkak të detyrës, deklaron Brahaj. Ajo shton se prokurorja që ka këtë çështje është promovuar nga Arta Marku dhe Fatmir Xhafaj, duke çuar një apel të drejpërdrejtë tek Kryeprokurorja dhe Ministri i Brendshëm.
Aranita Brahaj e cila më herët ka punuar si gazetare ndërsa aktualisht është pjesë e shoqërisë civile tha për Opinion.al se ngjarja ka ndodhur në shkurt dhe është mbyllur nga prokuroria. “E kam kërkuar une me ankim në gjykate të rihapet çështja. Gjykata ka urdhëruar prokurorinë të rihapë çëshjen. Prokuroria vazhdon të bëjë klasifikim difektoz të vepres penale”, u shpreh ajo.
Statusi i plotë në facebook i Aranita Brahajt
SJELLJA E PROKURORISË KUNDREJT KËRCËNIMEVE PËR CENSURË
Të vjen dikush në zyrë, të kërcënon që po nuk hoqe të dhënat transparente që lidhen me kompaninë e tij nga dataseti “kjo zyrë nuk do të ekszitojë”, thërret 129 dhe Shqiponjat për ta nxjerr nga zyra. Lë punët dhe referon me shkrim pranë organit të akuzës, që dikush të bën presion dhe të kërcënon për censurë, heq të dhëna të adresës së zyrës nga ëeb faqe, vendos kamera sigurie për situata të ngjashme, merr roje për një studio pune që ska pse ta ketë një të tillë, e kuptn që shteti që mbahet me taksat tona ka shpenzuar kohën e punës së tre efektivave për shoqërimin e një “trimi që spyet për shtetin”, por ama Prokruorja e cështjes mendon që nëse të kërcënojnë për të të censuruar, vepra penale është “keq përdorim thirrjesh telefonike”. Pra një klasifikim veprimi i gabuar, Pse e bën ajo këtë. Nuk mendoj që: se kemi prokuror aq të paaftë sa të ngatarroj “shqetsimet” me “kërcënimet”, subjektin “e cilësuar” me atë “të thjeshtë”. Gjykimi im: është situatë abuzive për të “favorizuar klientin”.
Ja pra kaq vlen puna ime apo e kujto tjetër, kur vjen fjala për prokurorurët e shtetin. Nuk është vetëm media që është e kontrolluar, të drejtën për transparencë na e “privatizon” prokurori duke favorizuar me klasifikim të gabuar të veprës penale dhe më shumë se dy herë.
A e ka kuptuar Vettingu këtë problemin me prokruor që klasifikojnë gabim veprën për të favorizuar me pushim të sigurt të cështjes? E kemi për detyrë tja shpjegojmë Vettingut edhe kur vjen fjala për prokuror të promovuar nga Marku e Xhafa.
/r.d-Opinion.al
