Kohë më parë shoqëria “moderne”, sidomos ajo e kryeqytetit, vështirë të pranontë në rrethin e saj të rinj nga fshati, që nuk kishin asgjë më pak se metropolitanët, përkundrazi. Megjithatë, ajo shoqëri gjithmonë në tranzicion si e jona, kohë pas kohe merr formë të re – pak më e hapur, pak më metropolitane dhe pak më shumë tolerante për të pranuar një tjetër ndryshe.
Një prej personazheve që e ka vuajtur në adoleshencën e tij origjinën nga fshati është edhe Ervin Kurti. Dhe në cilin fshat? Në atë që sot është një prej lagjeve më të frekuentuara nga turistët dhe aq pranë Tiranës sa cc’mund të gjendesh edhe në një lagje të saj.
Pasditen e sotme, Ervini ishte i ftuar te “Rudina” për të folur për profesionin e tij, projektet e reja dhe pasionet. Një prej figurave më të njohura në radhët e personazheve të shoëbiz-it, pas shumë viteve gazetar në televizion, nuk e ka aspak problem të tregojë për veten ashtu sicc është, por disa vite më parë nuk ishte kështu.
Ervini, sa herë ndeshej me pyetjen e origjinës, ose e shmangte, ose nuk përgjigjej fare. Sicc rrëfeu ai, me kalimin e kohës, nga puna dhe kontaktet e vazhdueshme, mësoi se nuk kishte asnjë arsye për të fshehur origjinën.
Pasi Rudina Magjistrai i vuri në dukje këtë fakt: “Ti je një djalë që e ke nisur nga fshati, ke arritur të punosh fort dhe sot je bërë i famshëm, ke një punë të mirë që e do. Ia ke dalë vetë…”
Ervini tha: “Absolutisht po. Unë nuk e kisha tagër që të bëhesha model suksesi që t’më ndiqnin të tjerët. Unë ndoqa ëndrrën time. Ka qenë pak e vështirë për mua, në llim ndihesha i turpëruar kur i thoja njerëzve që jam nga fshati ose nuk ua thoja fare. Unë gjimnazin e kam bërë tek gjuhët e huaja dhe kur më pyesnin nga je, unë thoja nga Tirana. S’ka qenë kaq e emancipuar Farka para 17 vitesh, tani është kthyer në destinacion. Puna dhe kontakti me njerëzit më bëri të pyes veten përse duhet të kisha turp se isha nga fshati, kur në mëngjes kam pirë qumësht lope të freskët, jam ushqyer me fruta të freskëta, kam ngrënë nga produktet e kopështit…” – tha Ervini.
“Dhe kur të gjithë sot po duan të shkojnë në fshat…” e përforcoi Rudina si për të theksuar se jeta në fshat është kthyer në një prej stileve luksoze të jetës. Fundjavat në fshat janë fundjavat ideale për këdo që Tirana gjatë javës i ka ardhur në majë të hundës me zhurmën dhe zallamahinë e saj.
Të paktën, Ervini e ka një strehë ku të fusë kokën sa herë e zë kaosi kryeqytetas….
