Gazetari i njohur sportiv Rafael Henzel, ka ndërruar jetë pas një infarkti. Mësohet se gazetari ka pësuar goditje në zemër duke luajtur kalçeto me miqtë e tij.
45-vjeçari gati 3 vite më parë i mbijetoi rrëzimit të avionit ku udhëtonte ekipi brazilian Chapecoense. Ai shpëtoi nga tragjedia ajrore së bashku me 5 persona të tjerë.
Pas aksidentit që i ndryshoi jetën gazetari shkroi një libër mbi mënyrën se si duhet të përballen njerëzit me vështirësitë në jetë, duke theksuar se dhe pse jeta për të nuk do të ishte më kurrë njësoj, ai do të luftonte çdo ditë duke shprehur mirënjohje për vullnetin e Zotit.
Kujtojmë se më 26 nëntor të vitit 2016 u shënua një aksident i rëndë kur avioni i linjës që transportonte ekipin brazilian Chapecoense u rrëzua pranë Medelin në Kolumbi duke shkaktuar 76 të vdekur. Skuadra Chapecoense që po udhëtonte për finalen e Kupës së Amerikës së Jugut./Opinion.al
