Pas lëshimit të urdhër-arrestit për 3 ish-drejtues të lartë të Policisë së Shtetit, për lidhjet e tyre me krimin dhe trafikun e drogës, gazetari Basri Çollaku ka bërë një deklaratë bombë. I ftuar në emisionin “Arena” të Dritan Hilës, ai është shprehur se ish-ministri i Brendshëm, Saimir Tahiri ka lidhje farefisnore me këta ish-drejtues.
Çollaku: “Tahiri ka lidhje të afërt farefisnore me këta tre drejtues policie të arrestuar, janë të dytë. Dhe me Habiljat nuk janë të largët, janë të tretë. Ngjan si një organizatë familjare, edhe kriminale, edhe shtetërore. Nuk janë pak, janë edhe ata në terren edhe ata në shtet. Prokuroria ka raste kur ka prova dhe e lë të livadhisë. Për çështjen e Dakos, ku sërish shfaqet prokurori Martini, në dijeninë time ka më shumë se 6 muaj.
Gjendja në të cilën ndodhen aktet e dosjes, janë të mjaftueshme që prokuroria të kishte marrë një masë ndaj Dakos. Ka ngjarje akoma më të vjetra të cilat Prokuroria ka dijeni, por i ka lënë në sirtar të pahapura.”
