Vazhdon të marrë vëmendje të madhe vrasja në Volos të Greqisë ku Fatmir Talellari vrau kunatin e tij pasi ky i fundit i kishte përdhunuar vajzën për vite me radhë.
Në një lidhje Skype për Klan News, gazetari Edmond Guri flet me detaje për dëshminë e 50 vjeçarit para trupës gjykuese.
Ai thotë se vrasjen nuk e ka pasur të paramenduar, përleshja ka agravuar në atë mënyrë që ai ta qëllonte Erjon Pelivanin dy herë me armë gjahu, në fytyrë dhe gjoks.
“Ai ka telefonuar policinë duke thënë kam vrarë një njeri dhe njëkohësisht bashkëshorten e dytë”, thekson Guri.
Ai shton më tej se ka nisur një hetim i gjerë duke marrë në pyetje çdo njeri që ka pasur lidhje me të implikuarit në ngjarjen e rëndë.
“Ka patur ndihmë të shtuar me psikologë duke qenë se sensibilizimi ka qenë i madh. Zbulimi i gjithë këtij abuzimi erdhi për faktin se viktima vazhdonte ta shantazhonte 18 vjeçaren, mospagesa e 4 muajve të fundit të qirasë sepse ajo ishte me studime. Ka nisur një hetim i gjerë, kanë sekuestruar të gjithë aparatet celularë të të implikuarve, kanë marrë materiale, fakte. Kanë marrë në pyetje miq dhe mikesha të 18 vjeçares nga shkolla, të njohur të saj, nga rrethi i ngushtë i 50 vjeçarit si dhe rrethi i ngushtë i 33 vjeçarit. Një nga faktet më kryesore të paraqitura në gjykatë, ka qenë ditari i 18 vjeçares që ishte vendimmarrës”, është shprehur Guri.
